የአዲስ አበባ ከተማ አስተዳደር እሳትና አደጋ ስጋት ስራ አመራር ኮሚሽን

የእሳትና አደጋ ስጋት ስራ አመራር ኮሚሽን የተቋቋመበት ተልዕኮ ማንኛውንም አደጋ መከላከል፣ መቆጣጠርና ሰብዓዊ ዕርዳታ መስጠት ነው፡፡ ይህም ከሌሎች አገልግሎት ሰጭ ተቋማት በተለየ የተቋሙን ሰራተኞች ለአካላዊ፣ አዕምሮኣዊና ስነ-ልቦናዊ ጤና ችግር ተጋላጭ ያደርጋቸዋል፡፡ ሰራተኞች ተጋላጭ የሚሆኑበት አካላዊ፣ አዕምሮኣየና ስነ-ልቦናዊ ችግርም ከእነርሱ አልፎ የቤተሰባቸውን ጤና እና ሰላም የሚያውክ ምጣኔ-ሃብታዊና ማህበራዊ ነው፡፡ ይህም ለተቋሙ ሰራተኞችና ቤተሰቦቻቸው የህክምና አገልግሎት መስጠት እንደሚያስፈልግ ማሳያ ነው፡፡ ኮሚሽን መስሪያ ቤቱም ይህን በመረዳት ክሊኒክ አቋቁሞ ለሰራተኞች የህክምና አገልግሎት ሲሰጥ ቆይቷል፡፡ ከክሊኒኩ አቅም በላይ የሆኑ የጤና ችግሮች የገጥማቸውን ሰራተኞችም ውል ወደ ፈፀመባቸው ሆስፒታሎች ሪፈር በመላክ የተሻለ ህክምና እንዲያገኙ ሲያደርግ ቆዯቷል፡፡ በተጨማሪም በነበረው የህክምና አገልግሎት ሽፋን በቂነት፣ ተደራሽነትና አገልግሎት አሰጣጥ ላይ ሰራተኞች የተለያዩ ቅሬታዎችን ሲያነሱ ቆይተዋል፡፡ በመሆኑም አሰራሩን በቴክኖሎጂ በማገዝ የህክምና ሽፋኑን በማሳደግ የሰራተኞችን እርካታ መጨመር አስፈላጊ በመሆኑ ክለኒኩን የካርድ አወጣጥ የላብራቶሪ አስተዛዘዝ እና የመድሃኒት ኣላላክ ላይ ከወረቀት አሰራር በማለቀቅ አገልግሎቱን ሙሉ በሙሉ በቴክኖሎጂ በማድረግ ክሊኒኩ ቀልጣፋ ውጤታማ እና ፈጣን አገልግሎት ለክሊኒክ ተጠቃሚ መስጠት ነው፡፡

1. የመረጃና ቴክኖሎጂ ማዕከል በማቋቋም ከአደጋ በፊትም ሆነ በአደጋ ጊዜ እና በኃላ የተማከለ የመረጃ ልውውጥ ስርዓት እንዲኖር ያደርጋል፣ በከተማ ደረጃ የአደጋ ስጋት ስራ አመራር የመረጃ ማዕከል ሆኖ ያገለግላል፤

2. የተፈጥሮና ሰው ሰራሽ አደጋዎች መንስኤና የተጋላጭነት ደረጃና ትንተና መረጃ ያሰባስባል፤ የቅድመ አደጋ ጠቋሚ ጥናቶችን በማካሄድ አስፈላጊውን የቅድመ ማስጠንቀቂያ እርምጃዎችን ይወስዳል፤ እንዲወሰው ያደርጋል፤ ይከታተላል፤

3. በሰው ሰራሽም ሆነ በተፈጥሮ ሊከሰት የሚችል አደጋን የመከላከል እና የአደጋ ጉዳት ቅነሳና የማጣጣም ስራን ይሰራል፤ ሌሎች ተቋማትም እንዲሰሩ ያደርጋል፤

4. በከተማዋ የሚገኙ ተቋማት የአደጋ ስጋት ቅነሳ እቅድን በልማት እቅዶቻቸው ውስጥ እንዲያካትቱ ያደርጋል፤ ተግባራዊ እንዲሆኑ ይከታተላል፤

5. የተቋሙ ባለሙያዎች፣ ልዩ ልዩ ተቋማትና ህብረተሰቡ ስለ አደጋ ስራ አመራር ስልጠና የሚያገኙበት የስልጠና ማእከል ያደራጃል፤

6. በተከታታይ ወይም በዕቅድ ላይ ተመስርቶ የናሙና ልምምዶች ያከናውናል፤ እንዲከናወኑም ሁኔታዎችን ያመቻቻል፤ በአደጋ ምላሽ እቅድ ላይ የማስተካከያ እርምጃ ይወስዳል፤ እንዲወሰድ ያደርጋል፤

7. የአደጋ መከላከያና መቆጣጠሪያ መሳሪዪችን፣ የአደጋ ጊዜ ማምለጫ ደረጃዎች፣ የእሳትና የጭስ፣ የነበልባል እና ሌሎች አደጋ ጠቋሚ መሳሪዪች በአገልግሎት መስጫ ልዩ ልዩ ተቋማት መተከላቸውንና በአግባቡ መስራታቸውን ይከታተላል፤ ይቆጣጠራል፤ እርምጃ ይወስዳል፤ እንዲወሰድ ያደርጋል፤

8. ወቅታዊና ትክክለኛ መረጃ ለህዝቡ ለማድረስ ሁሉን አቀፍ የቅድመ አደጋ ማስጠንቀቂያ ስርዓት ሥራ ላይ እንዲውል ያደርጋል፤ ለህብረተሰቡ የቅድመ አደጋ ማስጠንቀቂያ መረጃዎችን፤ በአደጋ ወቅት መውሰው ያለባቸውን እርምጃዎች እና የደረሰውን አደጋ በተመለከተ ወቅታዊ መረጃዎችን የማሰራጨት ተግባር ያከናውናል፤

9. በአደጋ የተጎዱና የተፈናቀሉ አካላት የአጠቃላይ የጉዳት መጠን፣ ክስረትና ፍላጎት መረጃ በማሰባሰብ ይተነትናል፤ ያደራጃል፤ ለሚመለከተው አካል የውሳኔ ሀሳብ ያቀርባል፤ ሲወሰንም ተከታትሎ ይፈጽማል፤ ያስፈጽማል፤

10. በከተማው የአደጋ ተጎጂዎችና ተፈናቃዮች ወቅታዊና ተደራሽ የሆነ የአደጋ ምላሽና መልሶ ማቋቋም የአደጋ ምላሽ አሰጣጥ ስራ አመራር ስርዓት ይዘረጋል፤